Արտակ Զեյնալյանը խոստանում է քաղաքապետ ընտրվելու դեպքում ըստ կարևորության լուծել Երևանի բոլոր խնդիրները
ԵՐԵՎԱՆ: 20 ՍԵՊՏԵՄԲԵՐԻ: ԱՐՄԵՆՊՐԵՍ: «Լույս» դաշինքի քաղաքապետի թեկնածու Արտակ Զեյնալյանը հավաստիացնում է, որ քաղաքապետ ընտրվելու դեպքում գույքագրելու և ըստ կարևորության լուծելու է Երևան քաղաքի խնդիրները:
«Յուրաքանչյուր խնդիր մենք լուծելու ենք արդարաբար: Դուք քվեարկելու եք Երևանի հավերժության օգտին: Մենք չենք գալիս իշխանության, որպեսզի տեսնենք՝ ինչ կարող ենք անել ձեզ համար, մենք գալիս ենք իշխանության, որ ձեզնից յուրաքանչյուրը մեզանից աշխատանք պահանջի»,- «Արմենպրես»-ի փոխանցմամբ՝ Կենտրոն վարչական շրջանում «Լույս» դաշինքի ամփոփիչ նախընտրական հավաքի ժամանակ նշեց Արտակ Զեյնալյանը:
«Հանրապետություն» կուսակցության նախագահ Արամ Սարգսյանի հավաստմամբ՝ Արտակ Զեյնալյանն է այն մարդը, ով պետք է զբաղեցնի Երևանի քաղաքապետի պաշտոնը:
«Նա պայքարել է պետության համար, պետությունը թշնամուց պահպանելու, լավ օրենքի, յուրաքանչյուր քաղաքացու ու արդարության համար: Արտակ Զեյնալյանն իր արտաքինով, անցած ճանապարհով, հաղթանակի ձգտումով ու մոտեցումներով ամբողջացնում է այդ կերպարը ու ցույց տալիս՝ ինչու է պետք ապրել այս երկրում ու շենացնել այս հողը»,-նշեց Արամ Սարգսյանը:
- Մանե Ադամյանը վստահ է` Ֆրանկոֆոնիայի տնտեսական ֆորումը կարևոր դեր է
ունենալու Հայաստանում ինովացիայի զարգացման համար
- Նիկոլ Փաշինյանը Երևանի ավագանու ընտրությունները համարում է արդար և
մրցակցային ընտրություններ անցկացնելու համար կարևոր քննություն
- Ընտրությունները տեղի են ունեցել ազատ ու արդար պայմաններում. ՀՅԴ
- «Երևանի հանրություն» դաշինքը կայացած է համարում Երևանի ավագանու
ընտրությունը
- Հայկ Մարությանը պատրաստ է ամեն վայրկյան ծառայելու հանուն Երևանի
բարեկեցության