Րաֆֆի Հովհաննիսյանը գոհ է նախընտրական քարոզարշավից
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: «Ժառանգություն» կուսակցության քաղաքապետի թեկնածու Րաֆֆի Հովհաննիսյանն ընդհանուր առմամբ գոհ է նախընտրական քարոզարշավից և հույս ունի, որ սեպտեմբերի 23-ին երևանցին իր գիտակից որոշմամբ հանրային ծառայության կբերի նախընտրած քաղաքական թիմին: Ինչպես տեղեկացնում է «Արմենպրես»-ը, լրագրողների հետ զրույցում Հովհաննիսյանը հիշեցրեց, որ սա ընտրություն չէ գործող վարչապետի և նախկին նախագահի միջև, սա Երևանի ավագանու համար ընտրապայքար է:
«Ողջունում եմ մեր բոլոր մրցակիցներին: Յուրաքանչյուրն ունի իր ձեռագիրը, մենք էլ կենտրոնացել ենք մեր քայլերի վրա՝ ներկայացնելու մեր տեսլականը: Մենք շատ լավատես ենք և մեր համաքաղաքացիներին կոչ ենք անում գիտակցաբար մոտենալ քվեատուփին ու խղճի մտոք ընտրություն կատարել: Ոչ ոք թող կիրակի օրը տանը չնստի: Եթե երևանցին գնա և կողմնորոշվի խղճի մտոք, ոմանց համար անակնկալ արդյունքներ կունենանք»,- ասաց Հովհաննիսյանը:
Հովհաննիսյանի խոսքով` Երևանի բյուջեն լումա առ լումա պետք է թափանցիկ ծախսվի, իսկ եկամուտներն ընդլայնվեն:
«Ժառանգություն» կուսակցության քաղաքապետի թեկնածու հուսով է նաև, որ իրավապահ մարմիններն իրենց աշխատանքը կկատարեն՝ ապահովելու ազատ և թափանցիկ ընտրություններ:
- Մանե Ադամյանը վստահ է` Ֆրանկոֆոնիայի տնտեսական ֆորումը կարևոր դեր է
ունենալու Հայաստանում ինովացիայի զարգացման համար
- Նիկոլ Փաշինյանը Երևանի ավագանու ընտրությունները համարում է արդար և
մրցակցային ընտրություններ անցկացնելու համար կարևոր քննություն
- Ընտրությունները տեղի են ունեցել ազատ ու արդար պայմաններում. ՀՅԴ
- «Երևանի հանրություն» դաշինքը կայացած է համարում Երևանի ավագանու
ընտրությունը
- Հայկ Մարությանը պատրաստ է ամեն վայրկյան ծառայելու հանուն Երևանի
բարեկեցության