Լիլիթ Մակունցն անդրադարձել է «սելֆիի ժամ»-ի նպատակներին
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Մշակույթի նախարար Լիլիթ Մակունցն անդրադարձել է Անկախության տոնի շրջանակներում «սելֆիի ժամ» միջոցառման հասցեին հնչող քննադատություններին։ «Նախաձեռնության նպատակն է ցույց տալ, որ քաղաքական գործիչների ու քաղաքացիների միջև չկա հեռավորություն, խոչընդոտ, անհասանելիության սկզբունք»,- «Արմենպրես»-ի փոխանցմամբ, ասաց Մակունցը՝ կառավարության նիստից հետո լրագրողների հետ զրույցում:
Միաժամանակ, նա նշեց, որ տվյալ նախաձեռնությունը Մշակույթի նախարարությանը չէ, իրենք հանդես են եկել արվեստին վերաբերող միջոցառումների կազմակերպման նախաձեռնություններով:
Հարցին, արդյոք հայտնի դեմքեր մասնակցելու են «սելֆիի ժամ»-ին՝ նախարարն ասաց, որ առաջարկը բաց է:
Կարծիքներ
Հարցազրույցներ
Փաստ մեկնաբանությամբ