Շախմատիստ Ռաֆայել Բակունցը Paytakht open-ում գրավեց 2-րդ հորիզոնականը
ԵՐԵՎԱՆ, 10 ՍԵՊՏԵՄԲԵՐԻ, ԱՐՄԵՆՊՐԵՍ: Իրանի մայրաքաղաք Թեհրանում ավարտվեց Paytakht open միջազգային մրցաշարը, որին այս տարի մասնակցում էին 58 շախմատիստ, այդ թվում՝ 3 գրոսմայստեր և 10 միջազգային վարպետ:
«Արմենպրես»-ի հաղորդմամբ` մրցաշարում Հայաստանը ներկայացնում էին գրոսմայստեր Սամվել Տեր-Սահակյանը և միջազգային վարպետ Ռաֆայել Բակունցը:
9 հնարավորից վաստակելով 7.5 միավոր՝ մրցաշարի հաղթող դարձավ Իրանը ներկայացնող միջազգային վարպետ Մուսավի Սեյեդ Խալիլը, Ռաֆայել Բակունցը 7 միավորով գրավեց 2-րդ հորիզոնականը, իսկ Սամվել Տեր-Սահակյանը 6.5 միավորով կիսեց 3-5-րդ հորիզոնականները, իսկ լրացուցիչ ցուցանիշների հաշվարկից հետո գրավեց 4-րդ հորիզոնականը:
Կարծիքներ
Հարցազրույցներ
Փաստ մեկնաբանությամբ