Գյումրու Սուրբ Ամենափրկիչ եկեղեցու վերջնական նորոգումն իրականացնելու համար նախատեսվում է հատկացնել 30 մլն դրամ
ԵՐԵՎԱՆ, 27 ՕԳՈՍՏՈՍԻ, ԱՐՄԵՆՊՐԵՍ: Գյումրի քաղաքի Սուրբ Ամենափրկիչ եկեղեցու վերջնական նորոգումն իրականացնելու համար կտրամադրվի 30 մլն դրամ:
«Արմենպրես»-ի հաղորդմամբ՝ այս մասին ասաց ՀՀ մշակույթի նախարար Լիլիթ Մակունցը՝ ամփոփելով իր պաշտոնավարման 100 օրը:
«Եկեղեցին 30 տարի անց իր դռները կբացի դեկտեմբերի 7-ին: Նախաձեռնությունը հնարավոր է եղել իրականացնել խնայողությունների հաշվին: Եկեղեցու հիմնանորոգումը վաղուց ավարտված է, սակայն վերջնական տեսքի պետք է բերվի»,- նշեց Մակունցը:
Նա նաև հավելեց, որ Գյումրիում ստեղծարար կենտրոն կստեղծվի, որն առաջիկա 3 տարվա ամենախոշոր ծրագրերից մեկն է լինելու:
Կարծիքներ
Հարցազրույցներ
Փաստ մեկնաբանությամբ