Կապանի քաղաքապետի արտահերթ ընտրությունները կանցկացվեն հոկտեմբերի 21-ին
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: Կառավարությունը հավանություն տվեց Սյունիքի մարզի Կապան քաղաքում քաղաքապետի արտահերթ ընտրություններ անցկացնելու մասին որոշմանը:
Ինչպես փոխանցում է «Արմենպրես»-ը, Կապանում համայնքի ղեկավարի ընտրությունները կանցկացվեն 2018-ի հոկտեմբերի 21-ին: Գործադիրի որոշմամբ, դրանց անցկացման համար ՀՀ 2018 թվականի պետական բյուջեով նախատեսված կառավարության պահուստային ֆոնդից Հայաստանի Հանրապետության ոստիկանությանը հատկացվեց 3 մլն 610 հազար դրամ:
Կապանի քաղաքապետի պաշտոնից Աշոտ Հայրապետյանը հրաժարական էր տվել հուլիսին:
Կարծիքներ
Հարցազրույցներ
Փաստ մեկնաբանությամբ