Երևան քաղաքի Լվովյան փողոցի շենքերից մեկի բակում օձ է նկատվել
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 15-ին, ժամը 15:01-ին «911» ծառայությանն ահազանգ է ստացվել, որ Երևան քաղաքի Լվովյան փողոցի թիվ 19 շենքի բակում օձը փաթաթվել է ծառին. անհրաժեշտ է փրկարարների օգնությունը:
Ինչպես «Արմենպրես»-ին տեղեկացրին ԱԻՆ լրատվական ծառայությունից, դեպքի վայր է մեկնել ՀՀ ԱԻՆ ՓԾ հատուկ նշանակության փրկարարական աշխատանքների իրականացման կենտրոնի փրկարարական ջոկատը:
Մինչ փրկարարների՝ կանչի վայր հասնելը, օձին բռնել են քաղաքացիների ուժերով: Փրկարարները շահմար տեսակի օձին տեղափոխել են անվտանգ տարածք:
Կարծիքներ
Հարցազրույցներ
Փաստ մեկնաբանությամբ