Հանրապետության տարածքում առաջիկա օրերին սպասվում է անձրև և ամպրոպ
ԵՐԵՎԱՆ 2 ՕԳՈՍՏՈՍԻ, ԱՐՄԵՆՊՐԵՍ: Հանրապետության հյուսիսային շրջաններում օգոստոսի 2-ին, 6-ին, և օգոստոսի 3-5-ը շրջանների զգալի մասում գիշերը և երեկոյան ժամերին սպասվում է անձրև և ամպրոպ, առանձին հատվածներում հնարավոր է նաև կարկուտ: Օգոստոսի 7-ին սպասվում է առանց տեղումների եղանակ։ Ինչպես «Արմենպրես»-ին տեղեկացրին արտակարգ իրավիճակների նախարարությունից, քամին՝ հարավ-արևմտյան` 5-10 մ/վ, ամպրոպների ժամանակ սպասվում է քամու ուժգնացում՝ 15-20 մ/վ:
Օդի ջերմաստիճանն օգոստոսի 2-4-ն աստիճանաբար կնվազի 5-6 աստիճանով: Երևան քաղաքում`օգոստոսի 2-ին, 6-ի երեկոյան ժամերին քաղաքի առանձին հատվածներում հնարավոր է, օգոստոսի 3-5-ի գիշերը և կեսօրից հետո սպասվում է անձրև և ամպրոպ, ամպրոպների ժամանակ` քամու ուժգնացում` 18-20 մ/վ: Օգոստոսի 7-ին սպասվում է առանց տեղումների եղանակ։