ՄԱԿ-ի՝ Մարդու իրավունքների խորհուրդը բանաձեւ ընդունեց Սիրիայի վերաբերյալ
ԵՐԵՎԱՆ, 6 ՀՈՒԼԻՍԻ, ԱՐՄԵՆՊՐԵՍ: ՄԱԿ-ի՝ Մարդու իրավունքների խորհուրդը հուլիսի 6-ին Ժնեւում կայացած նստաշրջանում ընդունել Է Եվրամիության երկրների նախաձեռնած բանաձեւը Սիրիայի վերաբերյալ՝ չնայած այդ երկրի ներկայացուցչի, ինչպես նաեւ Կուբայի, Չինաստանի, Իրաքի եւ մի շարք այլ երկրների կողմից քննադատությանը: Փաստաթղթի՝ Ռուսաստանի կողմից առաջարկված ուղղումները չեն ստացել ձայների մեծամասնություն, տեղեկացնում Է «Արմենպրես»-ը:
Բանաձեւում, մասնավորապես, ասված Է, որ Սիրիայի կառավարության կողմից կռվում են ահաբեկիչներ: Այն դատապարտում Է մարդու իրավունքների խախտումները, որոնք կատարում են բոլոր կողմերը: Դրա հետ մեկտեղ տեքստում հատկապես ընդգծված են մարդու իրավունքների «սիստեմատիկ, համատարած եւ կոպիտ խախտումները Սիրիայի իշխանությունների եւ նրանց հետ կապված աշխարհազորային կազմավորումների» կողմից, «ներառյալ օտարերկրացի ահաբեկիչ-զինյալները եւ արտասահմանյան կազմակերպությունները, որոնք կռվում են Սիրիայի իշխանությունների կողմից»:
Ասվում Է նաեւ «Սիրիայի իշխանությունների կողմից քիմիական զենքի շարունակվող կիրառման» եւ նրանց կողմից «քաղաքացիական բնակչության սովահարության եւ պաշարման» դատապարտման մասին, հաղորդել Է ՏԱՍՍ-ը: