ԱՄՆ-ի Կոնգրեսի պատվիրակությունը Հելսինկիի գագաթնաժողովի հաջողության հույս ունի
ԵՐԵՎԱՆ, 2 ՀՈՒԼԻՍԻ, ԱՐՄԵՆՊՐԵՍ: ԱՄՆ-ի Կոնգրեսի՝ Ռուսաստան ժամանած պատվիրակությունը երկու երկրների նախագահների՝ հուլիսի 16-ին Հելսինկիում կայանալիք հանդիպման դրական արդյունքների հույս ունի: Այս մասին հայտարարել Է պատվիրակության ղեկավար, Ալաբամայի նահանգից սենատոր Ռիչարդ Շելբին Սանկտ Պետերբուրգի նահանգապետ Գեորգի Պոլտավչենկոյի հետ կայացած հանդիպմանը, տեղեկացնում Է «Արմենպրես»-ը:
«Մենք գիտենք Հելսինկիում նախագահներ Պուտինի եւ Թրամփի առաջիկա հանդիպման մասին: Հուսով ենք, որ այդ հանդիպումից ինչ-որ լավ բան կստացվի մեր երկու երկրների համար»,- ասել Է Շելբին:
Շելբին հավելել Է, որ Ռուսաստանը եւ ԱՄՆ-ը պետք Է բարելավեն հարաբերությունները, որոնք այժմ աչքի են ընկնում լարվածությամբ, երկու երկրները, բոլոր առկա հակասություններով հանդերձ, պարտադիր չԷ, որ հակառակորդներ լինեն:
«Այժմ մեր երկրների միջեւ լարված հարաբերություններ են,- ասել Է նա:- Ես կարծում եմ, որ մեզ համար կարեւոր Է Ռուսաստանի հետ ունենալ ավելի լավ հարաբերություններ: Ակնհայտ Է, որ նախագահ Թրամփը մտածում Է նույն կերպ»:
«Ես կարծում եմ, որ միշտ Էլ մրցակիցներ կլինենք, որովհտեւ Ռուսաստանը եւ ԱՄՆ-ը մեծ երկրներ են՝ տարբեր շահերով, բայց պարտադիր չԷ, որ հակառակորդներ լինենք»,- հավելել Է նա, հաղորդել Է ՏԱՍՍ-ը: