Մարզական լրագրողները տոնում են մասնագիտական տոնը
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ: Մարզական լրագրողները տոնում են իրենց մասնագիտական տոնը:
«Արմենպրես»-ի հաղորդմամբ` 1994 թվականից ի վեր հուլիսի 2-ը նշվում է որպես մարզական լրագրողների միջազգային օր:
«Հարգելի՛ գործընկերներ՝ մարզական լրագրողներ, շնորհավորում եմ ձեզ մասնագիտական տոնի՝ Մարզական լրագրողների միջազգային օրվա կապակցությամբ։ Մաղթում եմ բոլորիդ ստեղծագործ և բեղմնավոր աշխատանք, մասնագիտական ձեռքբերումներ և վերելքներ: Մարզաշխարհի յուրաքանչյուր ներկայացուցչի պես դուք նույնպես ձեր աշխատանքով նպաստում եք սպորտի զարգացմանը, մարզաձևերի մասսայականացմանը, առողջ ապրելակերպի գաղափարների տարածմանը և քարոզչությանը: Հարգելի՛ բարեկամներ, կրկին ի սրտե շնորհավորում եմ՝ ակնկալելով բոլորիդ անաչառ և անկողմնակալ վերաբերմունքը՝ մարզաշխարհում կատարվող իրադարձությունները լուսաբանելու ժամանակ»,-իր շնորհավորանքի խոսքում ասել է ՀՀ սպորտի և երիտասարդության հարցերի նախարար Լևոն Վահրադյանը:
«Արմենպրես»-ը միանում է շնորհավորանքներին՝ մաղթելով գործընկերներին մասնագիտական նորանոր նվաճումներ: