ՌԴ-ն եւ Սաուդյան Արաբիան ՕՊԷՔ+-ին առաջարկել են ավելացնել հանույթը, չնայած Իրանի դիրքորոշմանը
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: ՕՊԷՔ+-ի մոնիթորինգային կոմիտեն դաշինքի մասնակիցներին խորհուրդ Է տվել մեղմացնել սահմանափակիչ միջոցները եւ նավթի հանույթը հուլիսի 1-ից ավելացնել օրական 1 միլիոն բարելով: Սակայն կընդունվի արդյոք այս որոշումը մեծ կազմով նախարարների հանդիպմանը, պարզ չԷ, տեղեկացնում Է «Արմենպրես»-ը:
Բաժնեմասերի ցանկացած շտկմանը դեմ Է հանդես գալիս Իրանը, որը խոստացել Է արգելափակել որոշումը: Երկրի նավթի նախարար Բիժան Զանգանեն մասնակցել Է մոնիթորինգային կոմիտեի նիստին, բայց հանդիպման կեսից հեռացել Է այնտեղից՝ լրագրողներին ասելով, թե «հանդիպումը լավը չԷր», եւ համաձայնություն չի կարող ձեռք բերվել:
Իրանն իր դիրքորոշումը բացատրում Է նրանով, որ շուկային ավելորդ բարելներ հարկավոր չեն, քանի որ շուկայի վերահավասարակշռում ձեռք չի բերվել, իսկ ՕՊԷՔ-ում հանույթի ավելացումը շահավետ Է ԱՄՆ-ին, հաղորդել Է ՏԱՍՍ-ը: