ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Քրիստոնեասոցիալական միության (ՔՍՄ) վարչությունը հունիսի 18-ին որոշում Է ընդունել Գերմանիայի կանցլեր Անգելա Մերկելին երկու շաբաթ տրամադրել անօրինական միգրացիայի հիմնախնդրի համաեվրոպական լուծում գտնելու համար:

Այս մասին, ինչպես տեղեկացնում Է «Արմենպրես»-ը, հայտնել Է DPA գործակալությունը՝ վկայակոչելով ՔՍՄ-ի ղեկավար մարմնի նիստի մասնակիցների: Պահպանողականները որոշումն ընդունել են միաձայն: Դրանով իսկ բավարական կուսակցությունը փաստորեն վերջնագիր Է ներկայացրել կառավարության ղեկավարին:

Եթե մինչեւ հունիսի վերջը Մերկելին չհաջողվի եվրոպացի գործընկերների հետ համաձայնության գալ անօրինական միգրացիայի հակազդման ավելի ադյունավետ միջոցների շուրջը, Գերմանիայի ներքին գործերի նախարարության ղեկավար Հորստ Զեեհոֆերը (ՔՍՄ) միակողմանի կարգով կստորագրի նախարարական հրամանագիր, որը ֆեդերալ ոստիկանությանը կկարգադրի սկսել ընդգրկուն վերահսկողություն սահմանին եւ այն միգրանտների արտաքսում, ովքեր Գերմանիայի տարածքում ապաստանի տրամադրման մերժում են ստացել, հաղորդել Է ՏԱՍՍ-ը: