Դանիան նվազագույն հաշվով հաղթեց Պերուին. C խումբ
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի առաջնության C խմբում Պերուի ազգային ընտրանին մրցեց Դանիայի հավաքականի հետ, իսկ հանդիպումը կայացավ Սարանսկ քաղաքի կենտրոնական մարզադաշտում:
«Արմենպրես»-ի հաղորդմամբ՝ Պերուի հավաքականը 36 տարվա դադարից հետո կրկին վերադարձավ աշխարհի առաջնություն: Հանդիպման մեկնարկային րոպեներին թիմերը չօգտագործեցին իրենց տրված հնարավորությունները: Սակայն հետագայում Դանիան քիչ-քիչ առավելություն էր ստանում: Պերուի ֆուտբոլիստները մեծ աջակցություն էին ստանում երկրպագուների կողմից, ովքեր շատ-շատ էին մարզադաշտում:
Առաջին կեսի վերջնամասում Դանիայի հավաքականի ֆուտբոլիստները խախտեցին խաղի կանոնները սեփական տուգանային հրապարակում, սակայն նշանակված 11 մետրանոց հարվածը չիրացրեց Կուևան: Երկրորդ կեսի մեկնարկում վիճակագրությունը խոսում էլ Դանիայի առավելության մասին, բայց դարպասի գրավում այդպես էլ չարձանագրվեց:
Բայց Դանիան վերջապես օգտագործեց հերթական հնարավորություններից մեկը: Դիպուկ հարվածով աչքի ընկավ Պոուլսենը՝ 0:1: Հանդիպման վերջին րոպեներին Պերուն հիմնականում պայքարում էր մրցակցի կիսադաշտում, բայց այդպես էլ չկարողացան խուսափել պարտությունից:
Դանիան հաջորդ հանդիպումը կանցկացնի հունիսի 21-ին՝ մրցելով Ավստրալիայի հավաքականի հետ, իսկ Պերուն կխաղա Ֆրանսիայի դեմ: Առաջին տուրից հետո C խմբի առաջատարները Ֆրանսիայի և Դանիայի թիմերն են, որոնք ունեն 3-ական միավոր: Ոչ մի միավոր չունեն Ավստրալիան և Պերուն:
Մունդիալի մասին այլ նյութեր այստեղ:
Լուսանկարները՝ FIFA
- Հավատարիմ ենք մեզ միավորող կապերին, որոնք բնորոշվում են «Ապրել միասին
Ֆրանկոֆոնիայում» գաղափարախոսությամբ. ՀՀ վարչապետի ելույթը
- Խորվաթիան պատմության մեջ առաջին անգամ ԱԱ-ի եզրափակչում է. Մունդիալ-2018
- Ֆրանսիան աշխարհի առաջնության եզրափակչում է. Մունդիալ-2018
- Խորվաթիան հետխաղյա 11-մետրանոցներով հաղթեց Ռուսաստանին և դուրս եկավ
կիսաեզրափակիչ. Մունդիալ-2018
- Մունդիալ-2018. ինչ խաղեր կան այսօր