ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը պետական այցով ժամանել Է Չինաստանի Ժողովրդական Հանրապետություն: Ինչպես հահղորդել Է «Ինտերֆաքս» գործակալությունը, ՌԴ նախագահը Չինաստանում կգտնվի երեք օր: Հունիսի 8-ին կկայանան Պուտինի եւ ՉԺՀ-ի նախագահ Սի Ցզինպինի բանակցությունները, որոնց արդյունքներով կստորագրվեն մի շարք փաստաթղթեր, տեղեկացնում Է «Արմենպրես»-ը: Բացի այդ, ՌԴ նախագահը զրույցներ կունենա Ժողովրդական ներկայացուցիչների համաչինական ժողովի մշտական կոմիտեի նախագահ Լի Չժանշուի, ինչպես նաեւ ՉԺՀ-ի Պետխորհրդի վարչապետ Լի Կեցյանի հետ:

Հունիսի 9-ին եւ 10-ին Պուտինը կանցկացնի Ցինդաո քաղաքում, որտեղ կկայանա Շանհայի համագործակցության կազմակերպության գագաթնաժողովը: Դրա շրջանակներում պլանավորված են ՌԴ նախագահի մի շարք երկկողմ հանդիպումները գագաթնաժողովին ժամանած երկրների ղեկավարների հետ: