ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Curiosity ռովերը վերջին տարվա ընթացքում առաջին անգամ հաջողությամբ տարրալուծել Է գրունտի նմուշը, որը հանել Էր նորոգված հորատման կայանքի միջոցով, որը կոտրվել Էր 2016 թվականի դեկտեմբերին: Այդ մասին, ինչպես տեղեկացնում Է «Արմենպրես»-ը, հայտնել Է NASA-ի Ռեակտիվ շարժման լաբորատորիան:

«Գիտական խումբը համոզված Էր, որ ինժեներները չեն ձախողի. մենք դրանում այնքան Էինք համոզված, որ վերադարձանք հետ այն կետը, որտեղ ցանկանում Էինք նմուշներ վերցնել ավելի քան մեկ տարի առաջ: Այդ գամբիտն արդարացրեց իրեն, եւ այժմ մենք ունենք Մարսի պատմության հանգուցային կտորներից մեկը, որը մեզ համար անմատչելի կմնար մյուս դեպքում»,- հայտարարել Է Curiosity-ի առաքելության ղեկավար Աշվին Վասավադան, հաղորդել Է ՌԻԱ Նովոստին: