ԼՂ հիմնախնդրի կարգավորումը պետք է արտահայտի հայկական կողմի շահերը և ձգտումները. ՀՀ ԱԳ նախարար
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Լեռնային Ղարաբաղի հիմնախնդրի կարգավորումը պետք է արտահայտի հայկական կողմի շահերը և ձգտումները: Այս մասին նշեց ՀՀ արտաքին գործերի նախարար Զոհրաբ Մնացականյանը մայիսի 25-ին լրագրողների հետ ճեպազրույցում:
«Ներկայիս կարևորագույն նպատակն է վերականգնել բանակցությունները՝ ԵԱՀԿ Մինսկի խմբի համանախագահության շրջանակում: Մեր բոլորս հույս ունենք, որ կարգավորումը կլինի շատ շուտով, սակայն այն պետք է արտահայտի մեր շահերը, ձգտումները: Կոմպրոմիսի հիմքում առաջին հերթին դրված է մեր շահերի և նպատակների արտահայտությունը»,-«Արմենպրես»-ի հաղորդմամբ՝ ասաց նախարարն ու հավելեց, որ դրա հիմքում էլ դրված է Արցախի ժողովրդի ազատ ինքնորոշման իրավունքը և անվտանգությունը:
Մնացականյանի խոսքով՝ հայկական կողմը պատրաստ է ներգրավվել բանակցություններում, կապի մեջ է համանախագահների հետ: Հեռախոսազրույց են ունեցել և կրկին ունենալու են Ռուսաստանի արտգործնախարար Սերգեյ Լավրովի հետ: Ֆրանսիայի արտգործնախարար Ժան-Իվ Լե Դրիանն է Հայաստան ժամանելու՝ մայիսի 27-28-ը:
Հարցին՝ հնարավոր է արդյոք ԵԱՀԿ Մինսկի խմբի համանախագահների տարածաշրջանային այց և իր և Ադրբեջանի արտգործնախարար Մամեդյարովի մոտալուտ հանդիպում, Մնացականյանն ասաց՝ հնարավորության հարց չէ, բանակցությունների էությունն է: «Դա բանակցությունների ձևաչափի մեջ տեղավորվող գործընթաց է»,-եզրափակեց նա:
- ԲՏԱ նախարարության և «Ստարտափ Արմենիա» հիմնադրամի միջև փոխըմբռնման
հուշագիր է ստորագրվել
- ԵԱՏՄ-ից Հայաստանի դուրս գալու նախաձեռնություն չկա․ Արման Եղոյան
- Նշվել է Հայ-ռուսական համալսարանի օրը. այս տարի բուհ են ընդունվել
ռեկորդային թվով ուսանողներ
- Հայաստանն ու Հնդկաստանը փոխշահավետ ծրագրեր կարող են իրականացնել մի շարք
ոլորտներում, Արմեն Սարգսյանն ընդունել է Կիշան Դան Դևալին
- Ադրբեջանի իշխանությունները քաղաքականացնում են գերիների վերադարձը. ՀՀ
ՄԻՊ-ը՝ Կոլումբիայի համալսարանի քննարկմանը