Մեկնարկում է թենիսի «Մեծ սաղավարտ»-ի «Ռոլան Գարոս»-ի մրցաշարը
ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Մեկնարկում է թենիսի «Մեծ սաղավարտի» 4 մրցաշարերից հերթականը` Ֆրանսիայի բաց առաջնությունը` «Ռոլան Գարոսը»:
«Արմենպրես»-ի հաղորդմամբ` աշխարհի առաջին ռակետ, մրցաշարի հիմնական ֆավորիտ իսպաացի Ռաֆայել Նադալը առաջին շրջանում կխաղա ուկրաինացի Ալեքսանդր Դոլգոպոլովի հետ: Արգենտինացի Խուան Մարտին դել Պոտրոն կմրցի Ֆրանսիան ներկայացնող Նիկոլյա Մայույի հետ: Ռուսաստանը ներկայացնող հայազգի Կարեն Խաչանովը կխաղա Ավստրիայի դրոշի ներքո հանդես եկող Անդրեաս Հայդեր-Մաուրերի հետ:
Թենիսի «մեծ սաղավարտի» 4 մրցաշարերից «Ռոլան Գարոս»-ն անցկացվում է 1891 թվականից: Մրցաշարը միակ է «Մեծ սաղավարտ»-ի մրցաշարերից, որն անցկացվում հողածածկ կոռտերում: «Ռոլան Գարոս»-ի ամենատիտղոսակիր մասնակիցը իսպանացի Ռաֆայել Նադալը, ով 10 անգամ հաղթել է այս մրցաշարում: Այս տարվա մրցաշարն անցկացվում է մայիսի 27-ից հունիսի 10-ը: