Կայացել է Հայաստանի Հանրապետության ջրացատկի առաջնությունը
ԵՐԵՎԱՆ, 14 ՄԱՅԻՍԻ, ԱՐՄԵՆՊՐԵՍ: Երևանի Դավիթ Համբարձումյանի անվան ջրացատկի օլիմպիական հերթափոխի մանկապատանեկան մարզադպրոցում կայացել է Հայաստանի Հանրապետության ջրացատկի առաջնությունը՝ բոլոր տարիքային խմբերի մասնակցությամբ:
«Արմենպրես»-ի հաղորդմամբ` մեծահասակների 3 մետր ոստնակացատկում հաղթել է Վլադիմիր Հարությունյանը, 2-րդ տեղը զբաղեցրել է Վարտան Բայանդուրյանը, իսկ 3-րդ տեղը՝ Ազատ Հարությունյանը:
10 մետր աշտարակացատկում Հայաստանի Հանրապետության չեմպիոն է դարձել Լև Սարգսյանը, արծաթե մեդալակիրը Վլադիմիր Հարությունյանն է, իսկ բրոնզը բաժին է հասել Վարտան Բայանդուրյանին:
Առաջնությանն, ընդհանուր առմամբ ,մասնակցել են տարբեր տարիքային խմբերի ավելի քան 30 մարզիկներ: