Գործարքից ԱՄՆ-ի դուրս գալու դեպքում Իրանը կվերսկսի միջուկային օբյեկտների աշխատանքը
ԵՐԵՎԱՆ, 25 ԱՊՐԻԼԻ, ԱՐՄԵՆՊՐԵՍ: Միջուկային գործարքից ԱՄՆ-ի դուրս գալու դեպքում Իրանը կվերսկսի ավելի վաղ կանգնեցված միջուկային օբյեկտների աշխատանքը: Այդ մասին, ինչպես հաղորդել Է ՌԻԱ Նովոստին, հայտարարել Է Իսլամական Հանրապետության ազգային անվտանգության բարձրագույն խորհրդի քարտուղար Ալի Շամխանին, տեղեկացնում Է «Արմենպրես»-ը:
«Մենք մեր միջուկային օբյեկտների աշխատանքը կվերականգնենք մինչեւ ակտիվության այն մակարդակ, որը եղել Է մինչեւ (Իրանի միջուկային ծրագրի շուրջ) պայմանավորվածությունների ձեռքբերումը»,- պատասխանել Է Իրանի ազգային անվտանգության բարձրագույն խորհրդի քարտուղար Ալի Շամխանին լրագրողների այն հարցին, թե Իրանի ազգային անվտանգության վրա ինչպես կանդրադառնա միջուկային գործարքից ԱՄՆ-ի հնարավոր դուրս գալը: Արծարծելով իրանական միջուկային ծրագրի շուրջ գործարքից ԱՄՆ-ի հնարավոր դուրս գալու թեման՝ Շամխանին նշել Է, որ Թեհրանը սովոր Է այդօրինակ ճնշմանը: «Դա կազդի ամբողջ միջազգային անվտանգության վրա»,- հավելել Է նա: