Ալեքսանդր Մարկարովը միայն պատասխանատու քաղաքական գործչի քայլ է համարում Սերժ Սարգսյանի հրաժարականը
ԵՐԵՎԱՆ, 23 ԱՊՐԻԼԻ, ԱՐՄԵՆՊՐԵՍ: Քաղաքագետ Ալեքսանդր Մարկարովը, խոսելով վարչապետի պաշտոնից հրաժարվելու՝ Սերժ Սարգսյանի որոշման մասին, այդ քայլը համարեց հատուկ միայն այն քաղաքական գործչին, ով զգում է պատասխանատվություն երկրի կայունության ապահովման համար:
«Սարգսյանը կատարեց այդ քայլը՝ գիտակցելով իր պատասխանատվությունը երկրի կայունության ապահովման համար: Ունենալով տարբեր հնարավորություններ այս իրավիճակից դուրս գալու համար՝ Սերժ Սարգսյանը գնաց դեպի այն քայլը, որը, իր կարծիքով, Հայաստանում կարող է ապահովել ավելի արագ ձևավորվող կայունություն և դառնալ ելք ստեղծված իրավիճակից»,-«Արմենպրես»-ի հետ զրույցում ասաց Մարկարովը:
Քաղաքագետի կարծիքով՝ ներկայումս խնդրիրը ապագան է, թե ինչպես են զարգանալու իրադարձությունները հետագայում, ինչպես է առանց հավաքների բնականոն կյանքը և քաղաքական կայունությունը Հայաստանում վերականգնվելու: