Ասյա Խաչատրյանի պնդումների վերաբերյալ նյութերն ուղարկվել են ԱՀ գլխավոր դատախազություն
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Ասյա Խաչատրյանի պնդումների վերաբերյալ նյութերն ուղարկվել են ԱՀ գլխավոր դատախազություն: Այս մասին «Արմենպրես»-ին տեղեկացրին ԱՀ մարդու իրավունքների պաշտպանի աշխատակազմից:
Արցախի ՄԻՊ գրասենյակից տարածված հաղորդագրության մեջ ասվում է. «Ի պատասխան ԱՀ ոստիկանությանը հասցեագրված ԱՀ մարդու իրավունքների պաշտպանի մարտի 28-ի գրության՝ ներկայացվել են Ասյա Խաչատրյանի պնդումների վերաբերյալ մանրամասն պարզաբանումներ։ Հաշվի առնելով ներկայացված տվյալները քրեական վարույթի շրջանակներում ստուգելու անհրաժեշտությունը՝ ԱՀ մարդու իրավունքների պաշտպանի ապրիլի 6-ի գրությամբ Ասյա Խաչատրյանի պնդումների վերաբերյալ՝ Պաշտպանի աշխատակազմի տրամադրության տակ եղած նյութերն ուղարկվել են ԱՀ գլխավոր դատախազություն»։