ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Բաթումի միջազգային օդանավակայանում պլանավորվում են դրա ընդարձակման ենթակառուցվածքային աշխատանքներ: Այդ մասին, ինչպես հայտնել Է Վրաստանի հանրային հեռարձակողի Առաջին ալիքը, հայտարարել Է TAV Georgia ընկերության գլխավոր մենեջեր Թեա Զաքարաձեն, տեղեկացնում Է «Արմենպրես»-ը:

Այս որոշումն ընդունվել Է ուղեւորահոսքի սրընթաց աճի եւ նոր ավիաչվերթերի իրականացման կապակցությամբ: Աշխատանքները կսկսվեն մարտի վերջին-ապրիլի սկզբին:

Զաքարաձեի տեղեկատվությամբ՝ օդանավակայանում կավելացնեն ինքնաթիռների համար նախատեսված կայանատեղիները: Բացի այդ, TAV Georgia-ն ոչ մեծ փոփոխություններ Է պլանավորում նաեւ Թբիլիսիի միջազգային օդանավակայանում:

Էկոնոմիկայի եւ կայուն զարգացման նախարարության «Վրաստանի օդանավակայանների միավորում» ՍՊԸ-ի տնօրեն Քեթեւան Ալեքսիձեի խոսքով, անցյալ տարվա ընթացքում Բաթումի օդանավակայանում գրանցվել Է ուղեւորների ռեկորդային թվաքանակ, որը նախորդ տարիների համեմատությամբ աճել Է 59 տոկոսով: Ալեքսիձեն ընդգծել Է, որ միայն ամառային տարեշրջանում Բաթումի օդանավակայանից օգտվել Է 100 հազար մարդ: