Սևանա լճի երկրատեղեկատվական համակարգի ստեղծման աշխատանքներն ավարտվել են
ԵՐԵՎԱՆ, 22 ՓԵՏՐՎԱՐԻ, ԱՐՄԵՆՊՐԵՍ: ՀՀ կադաստրի պետական կոմիտեի կողմից նախորդ տարի ստեղծվել է Սևանա լճի երկրատեղեկատվական համակարգը: «Արմենպրես»-ի հաղորդմամբ` փետրվարի 20-ին լրագրողների հետ հանդիպմանն այս մասին ասաց կոմիտեի նախագահ Մարտին Սարգսյանը:
«Այն ներառում է 1900-1905 նիշի բարձրության վրա գտնվող տարածքների տեղանքի և ռելիեֆի թվային մոդելը»,-ասաց Սարգսյանը:
Ավարտվել են նաև Երևան և Գյումրի քաղաքների երկրատեղեկատվական համակարգի քարտեզագրական հիմքի ստեղծման աշխատանքները: Ստեղծվել է կոմիտեի գեոպորտալը, որը թվային հարթակ է և պարունակում է աշխարհագրական տարածական տվյալներ, օժտված է վերլուծական և որոնման համապատասխան գործիքակազմով:
Կարծիքներ
Հարցազրույցներ
Փաստ մեկնաբանությամբ