Մարզահամերգային համալիրը դեռևս գնորդ չունի
ԵՐԵՎԱՆ, 20 ՓԵՏՐՎԱՐԻ, ԱՐՄԵՆՊՐԵՍ: Կարեն Դեմիրճյանի անվան մարզահամերգային համալիրը գնելու համար ոչ ոք դեռևս առաջարկ չի արել:
«Արմենպրես»-ի հաղորդմամբ՝ այս մասին լրագրողների հետ զրույցում ասաց ՀՀ կառավարությանն առընթեր պետական գույքի կառավարման վարչության պետ Արման Սահակյանը:
«Մարզահամերգային համալիրն այս պահին իր գործառույթների շրջանակներում իրականացնում է աշխատանքներ: Այն բավականին թանկ է նստում պետության վրա, մինչ այժմ ոչ մի առաջարկ համալիրի հետ կապված չի եղել»,- նշեց Սահակյանը և հավելեց, որ դեռ լավ գնորդ չկա, երբ լինի, բոլորն անպայման կիմանան:
ՀՀ կառավարության` 2015 թվականի մարտի 26-ի որոշմամբ ստեղծվել է «Կարեն Դեմիրճյանի անվան մարզահամերգային համալիր» պետական ոչ առևտրային կազմակերպությունը: Մարզահամերգային համալիրը կառավարության որոշմամբ պատկանում է ՀՀ պաշտպանության նախարարությանը: ՄՀՀ-ում անց են կացվում մշակութային, մարզական, սոցիալական, կրթական և այլ միջոցառումներ: