Սարատովում հնգամյա երեխան ընկել Է ձնափոսը եւ մահացու սառել
ԵՐԵՎԱՆ, 5 ՓԵՏՐՎԱՐԻ, ԱՐՄԵՆՊՐԵՍ: Սարատովում հետաքննում են ձյունածածկ փոսն ընկած հնգամյա տղայի մահը, տեղեկացնում Է «Արմենպրես»-ը՝ հղում անելով «Ինտերֆաքս»-ին:
Ռուսաստանի Քննչական կոմիտեի տարածաշրջանային քննչական վարչությունը փետրվարի 5-ին հայտնել Է, որ փետրվարի 3-ի ցերեկը քաղաքի Լենինյան շրջանում երեխան տատիկի հետ զբոսնում Էր տան մոտ: Հետաքննության տվյալներով՝ կինը որոշ ժամանակ ուշադրությունը շեղել Է, իսկ երբ նկատել Է թոռան կորչելը, դիմել Է ոստիկանություն:
Որոնումների ընթացքում գտնվել Է տղայի անշունչ մարմինը, նա ընկել Է եզրաքարից այն կողմ ընկած ձյունածածկ փոսը եւ մահացել սաստիկ սառչելուց, ասված Է հաղորդագրության մեջ:
Հարուցվել Է քրեական գործ:
Կարծիքներ
Հարցազրույցներ
Փաստ մեկնաբանությամբ