Պենտագոնի ղեկավարը զսպվածության կոչ Է արել Թուրքիային Աֆրինի գործողության կապակցությամբ
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: ԱՄՆ-ի պաշտպանության նախարար Ջեյմս Մեթիսը Թուրքիային կոչ Է արել զսպվածություն ցուցաբերել սիրիացի քրդերի մարտական ջոկատների դեմ գործողության կապակցությամբ, որը թուրքական զորքերն իրականացնում են Սիրիայի հյուսիսի Աֆին քաղաքի շրջանում: Այդ մասին, ինչպես հայտնել Է AFP-ն, Պենտագոնի ղեկավարը հունվարի 23-ին հայտարարել Է Ինդոնեզիայի մայրաքաղաք Ջակարտայում, որտեղ նա գտնվում Է այցով, տեղեկացնում Է «Արմենպրես»-ը:
«Աֆրինում կիրառվող բռնությունը խնդիրներ Է ստեղծում Սիրիայի այն շրջանում, որն ավելի վաղ հարաբերականորեն կայուն Էր,-ասել Է Մեթիսը:-Մենք խնդրում ենք Թուրքիային՝ զսպվածություն ցուցաբերել իր ռազմական գործողություններում եւ իր հռետորաբանության մեջ»:
Ավելի վաղ Սպիտակ տունը Թուրքիային կոչ Էր արել սահմանափակել գործողության մասշտաբներն ու տեւողությունը Աֆրինում, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ