Հանրապետությունում հունվարի 1-17-ը ՃՈ հատուկ պահպանվող տարածք է տեղափոխվել 520 տրանսպորտային միջոց
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: Ճանապարահային ոստիկանության ուժեղացված ծառայության ընթացքում հունվարի 1-17-ը ընկած ժամանակահատվածում ՃՈ հատուկ պահպանվող տարածք է տեղափոխվել 520 տրանսպորտային միջոց: «Արմենպրես»-ի հաղորդմամբ` Ճանապարհային ոստիկանությունը ուժեղացված ծառայություն է իրականացնում ոչ ստափ վիճակում գտնվող կամ երթևեկության այլ մասնակիցների հանդեպ միտումնավոր անհարգալից վերաբերմունք դրսևորող վարորդներ հայտնաբերելու ուղղությամբ, հողմապակիների լուսաթափանցելիության չափի խախտման, փոխարինված կամ կեղծված հաշվառման համարանիշերով տրանսպորտային միջոցներ գտնելու ուղղությամբ:
«Ուժեղացված ծառայություն ենք իրականացնում Երևանի քաղաքապետարանի տրանսպորտի վարչության հետ` կանոնավոր ուղևորափոխադրումներ իրականացնող տրանսպորտային միջոցների կողմից չեկի խախտումներ հայտնաբերելու ուղղությամբ, Պետական եկամուտների կոմիտեի հետ իրենց կողմից հետախուզում հայտարարարված ավտոմեքենաներ գտնելու ուղղությամբ»,- նշել է ՃՈ ճանապարհապարեկային ծառայության բաժնի պետ Ստեփան Նազարյանը:
Այս տարի Ճանապարհային ոստիկանությունը իրականացրել է արդեն մի քանի ուժեղացված ծառայություն Հանրապետության տարբեր հատվածներում: Արդյունքում`բազմաթիվ օրինախախտներ են հայտնաբերվել և ենթարկվել պատասխանատվության, իսկ շատերի մեքենաները հայտնվել են ՃՈ հատուկ պահպանվող տարածքներում: