Յակուտիայում հարյուրից ավելի դպրոցներ են փակվել մինուս 50-ից ցածր ջերմաստիճանի պայմաններում
ԵՐԵՎԱՆ, 16 ՀՈՒՆՎԱՐԻ, ԱՐՄԵՆՊՐԵՍ: Յակուտիայի 13 շրջանների հարյուրից ավելի դպրոցներում ուսումնական գործընթացը սահմանափակված Է օդի ցածր ջերմաստիճանի պատճառով:
Այդ մասին, ինչպես տեղեկացնում Է «Արմենպրես»-ը, հունվարի 16-ին ՌԻԱ Նովոստիին հայտնել Է հանրապետության արտակարգ ծառայությունների մի աղբյուր: Յակուտիայի հիդրոօդերեւութաբանական ծառայության վարչության տվյալներով՝ հունվարի 15-ին տարածաշրջանի մի քանի շրջաններում օդի ջերմաստիճանը ցած Է ընկել մինուս 50 աստիճանից: Օրինակ, Օյմյակոնում եւ Դեպուտատսկի ավանում եղել Է մինուս 53 աստիճան, Ուստ Ներում՝ մինուս 54, Բատագայում՝ մինուս 55, Վերխոյանսկում՝ մինուս 56 աստիճան:
Հանրապետության մայրաքաղաք Յակուտսկում գրանցվել Է մինուս 39 աստիճան: «Օդի ջերմաստիճանի նվազման կապակցությամբ ուսումնական գործընթացը սահմանափակված Է Յակուտիայի 13 շրջաններում: Ընդհանուր առմամբ պարապմունքները դադարեցված են 107 դպրոցներում, որտեղ սովորում են 9,6 հազարից ավելի երեխաներ»,-ասել Է գործակալության զրուցակիցը: