Իրանի գլխավոր շտաբի ղեկավարը Ասադի հետ քննարկել Է ռազմական համագործակցությունը
ԵՐԵՎԱՆ, 19 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի գլխավոր շտաբի ղեկավար Մոհամադ Բաքերին պատվիրակության կազմում Դամասկոսում հանդիպում Է ունեցել Սիրիայի նախագահ Բաշար Ասադի հետ, բանակցությունների ընթացքում քննարկվել են երկրների երկկողմ հարաբերությունները, նախեւառաջ՝ ռազմական համագործակցությունը: Այդ մասին, ինչպես տեղեկացնում Է «Արմենպրես»-ը, հոկտեմբերի 19-ին հայտարարել Է Սիրիայի ղեկավարի մամուլի ծառայությունը:
Նշվում Է, որ Բաքերին Ասադին Է փոխանցել Իրանի գերագույն առաջնորդ այաթոլլա Ալի Խամենեիի ուղերձը Սիրիայում ահաբեկչության նկատմամբ հաղթանակների առթիվ շնորհավորանքներով: Ասադը շնորհակալություն Է հայտնել Խամենեիին եւ նշել, որ Իրանի ժողովուրդն ու նրա զինված ուժերը գլխավոր գործընկերն են Սիրիայում ահաբեկչության դեմ տարած հաղթանակներում:
Ավելի վաղ իրանական Tasnim գործակալությունը հայտնել Է, որ Բաքերին Սիրիա Է ժամանել հոկտեմբերի 18-ի երեկոյան, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ