Թուրքիան բանակցություններ Է սկսել Ֆրանսիայից եւ Իտալիայից ՀՕՊ համակարգերի գնման շուրջը. Ստոլտենբերգ
ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Թուրքիան Ռուսաստանից C-400 համալիրների ձեռքբերումից հետո բանակցություններ Է սկսել Ֆրանսիայից եւ Իտալիայից համանման սպառազինությունների գնման շուրջը: Այս մասին, ինչպես տեղեկացնում Է «Արմենպրես»-ը, AP գործակալության՝ սեպտեմբերի 19-ին հրապարակված հարցազրույցում հայտնել Է ՆԱՏՕ-ի գլխավոր քարտուղար Ենս Ստոլտենբերգը, որը ժամանել Է Նյու Յորք, որտեղ տեղի Է ունենում ՄԱԿ-ի Գլխավոր ասամբլեայի 72-րդ նստաշրջանը:
Ստոլտենբերգի խոսքով՝ սեպտեմբերի 18-ի երեկոյան ինքը հանդիպել Է Թուրքիայի նախագահ Ռեջեփ Թայիփ Էրդողանի հետ, որն իրեն հայտնել Է Eurosam իտալա-ֆրանսիական կոնցեռնի արտադրության SAMP/T հակաօդային պաշտպանության համակարգերի գնման շուրջը Ֆրանսիայի եւ Իտալիայի հետ բանակցություններ սկսելու մասին: «Տեսնենք՝ ինչ կլինի այդ բանակցությունների արդյունքը, հուսանք, որ դրանք որեւիցե բանի կհանգեցնեն»,- նշել Է ՆԱՏՕ-ի գլխավոր քարտուղարը, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ