Ածխով բեռնված առաջին նավն ԱՄՆ-ից ժամանեց Ուկրաինա
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ: Ուկրաինայում դեֆիցիտային ածխով բեռնված առաջին նավը սեպտեմբերի լույս 13-ի գիշերը ժամանել Է Օդեսայի «Յուժնի» ծովային նավահանգիստ, տեղեկացնում Է «Արմենպրես»-ը:«Սեպտեմբերի 13-ին ժամը 02:15-ին Ocean Ambitious նավը կառանվել Է «Յուժնի» նավահանգստի փոխաբեռնման համալիրում: Նավում կա 62 հազար տոննա Էներգետիկական ածուխ ԱՄՆ-ից՝ «ՑենտրԷներգո» Էներգաարտադրող ընկերության համար»,- նշել են մամուլի ծառայությունում: Ըստ որում «Յուժնի»-ում նշել են, որ առաջկա շաբաթում ձեռնարկությունը պլանավորում Է ընդունել եւս չորս նավ՝ ավելի քան 295 հազար տոննա ածխով: Ուկրաինան Էներգետիկական ածխի պակասություն Է զգում այն բանից հետո, երբ Կիեւը կորցրեց վերահսկողությունը Դոնեցկի մարզի մի մասի եւ Լուգանսկի մարզի նկատմամբ: Այդ ածուխն օգտագործում են 14 ջերմային Էլեկտրակայններից (ՋԷԿ) յոթը եւ մի քանի ջերմաԷլեկտրակենտրոններ: Այդ յոթ ՋԷԿ-երից չորսը գտնվում են վերահսկվող տարածքում, երեքը՝ չվերահսկվող տարածքում, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ