8,1 մագնիտուդով երկրաշարժ Է տեղի ունեցել Մեքսիկայի ափերի մոտ
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: 8,1 մագնիտուդով հզոր երկրաշարժ Է տեղի ունեցել Մեքսիկայի ափերի մոտ: Այդ մասին, ինչպես տեղեկացնում Է «Արմենպրես»-ը, սեպտեմբերի 8-ին հայտնել Է Եվրոպայի միջերկրածովյան սեյսմոլոգիական կենտրոնը: Ըստ նրա տեղեկատվության՝ տարերքի Էպիկենտրոնը գտնվում Էր շուրջ 482 հազար բնակչություն ունեցող Տուստլա Գուտիերես քաղաքից 202 կմ հարավ ընկած շրջանում: Երկրաշարժի օջախը 94 կմ խորության վրա Էր:
Ինչպես նշում Է Ցունամիների նախազգուշացման խաղաղօվկիանոսյան կենտրոնը, երկրաշարժի հետեւանքով հաջորդ երեք ժամվա ընթացքում ալեկոծություն Է հնարավոր Մեքսիկայի, Կոստա Ռիկայի, Նիկարագուայի, Գվատեմալայի, Սալվադորի, Պանամայի, Հոնդուրասի եւ Էկվադորի ափերի մոտ, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ