Յուլիան Դրաքսլերը կարող է տեղափոխվել «Արսենալ»
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Ֆրանսիական «Պարի Սեն Ժերմեն» ֆուտբոլային ակումբի կիսապաշտպան Յուլիան Դրաքսլերը կարող է կարիերան շարունակել Անգլիայում: Ինչպես հաղորդում է «Արմենպրես»-ը, այս մասին հայտնում է The Times պարբերականը: Գերմանացի կիսապաշտպանի ծառայություններով ակտիվորեն հետաքրքրվում է Լոնդոնի «Արսենալ»-ը:
Նշվում է, որ ֆրանսիական ակումբը պատրաստ է Գերմանիայի ազգային հավաքականի կիսապաշտպանին բաց թողնել 32 միլիոն ֆունտ սթերլինգով: Բրազիլացի հարձակվող Նեյմարի տրանսֆորը ձեռք բերելուց հետո ՊՍԺ-ի գլխավոր մարզիչ Ունաի Էմերին Յուլիան Դրաքսլերին հայտնել է, որ նրան իր թիմի կազմում այլևս չի տեսնում:
Յուլիան Դրաքսլերը ՊՍԺ է տեղափոխվել 2017թ. հունվարին: Գերմանացի կիսապաշտպանի համար ՊՍԺ-ն գերմանական «Վոլֆսբուրգ»-ին 35.5 միլիոն եվրո է վճարել: