Տեղի ունեցավ Հայաստանի շախմատի 78-րդ առաջնության առաջին խմբի մրցաշարի 8-րդ տուրը
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Տիգրան Պետրոսյանի անվան շախմատի տանը շարունակվող Հայաստանի 78-րդ առաջնության առաջին խմբի մրցաշարում կայացան 8-րդ տուրի պարտիաները:
«Արմենպրես»-ի հաղորդմամբ` տուրում կարևոր հաղթանակներ տոնեցին Տիգրան Հարությունյանը, Շանթ Սարգսյանը և Մանուէլ Պետրոսյանը: Մրցակիցներից ուժեց գտնվեցին նաև Վահե Դանիելյանը, Արման Միքայելյանը և Արամ Հակոբյանը: 8-րդ տուրից հետո Տիգրան Հարությունյանը 6 միավորով շարունակում է գլխավորել աղյուսակը: 2-րդ հորիզոնականում ընթացող Շանթ Սարգսյանը վաստակել է 5.5 միավոր, իսկ Մանուէլ Պետրոսյանը 5 միավորով եզրափակում է լավագույն եռյակը:
1-3-րդ տեղեր գրաված շախմատիստներն իրավունք կստանան մասնակցելու Հայաստանի 78-րդ առաջնության բարձրագույն խմբի մրցաշարին: