Հնդկաստանի արեւելքում հեղեղումների զոհերի թիվը հասել Է 119-ի
ԵՐԵՎԱՆ, 18 ՕԳՈՍՏՈՍԻ, ԱՐՄԵՆՊՐԵՍ: Հնդկաստանի Բիհար արեւելյան նահանգում հեղեղումներից զոհված մարդկանց թիվը հասել Է 119-ի: Այդ մասին, ինչպես տեղեկացնում Է «Արմենպրես»-ը, հայտնել Է Telangana Today հրատարակությունը՝ վկայակոչելով տեղական իշխանություններին: Ավելի վաղ հաղորդվել Էր տարածաշրջանում 41 զոհվածների մասին:
Հրատարակության տվյալներով՝ տարածաշրջանում տարհանվել Է ավելի քան 400 հազար մարդ, հազարավոր տներ եւ շենքեր ավերված են: Տեղական իշխանություններն ավելի քան հազար պատսպարան են կազմակերպել նրանց համար, ովքեր ստիպված են եղել լքել իրենց տները:
Հորդառատ անձրեւները Հնդկաստանի հյուսիսին, Նեպալին եւ Բանգլադեշին պատուհասել են անցած շաբաթվա վերջին: Հեղեղումներից Հնդկաստանի հյուսիսում վերջին մի քանի օրվա ընթացքում զոհվել Է ավելի քան 100 մարդ, Նեպալում անբարենպաստ եղանակի զոհ Է դարձել 111 մարդ, Բանգլադեշում զոհերի թիվը հասել Է 57-ի, հաղորդել Է ՌԻԱ Նովոստին:
Կարծիքներ
Հարցազրույցներ
Փաստ մեկնաբանությամբ