Նորմանդական քառյակի ղեկավարները պայմանավորվել են հետագա շփումների մասին
ԵՐԵՎԱՆ, 24 ՀՈՒԼԻՍԻ, ԱՐՄԵՆՊՐԵՍ: «Նորմանդական քառյակի» առաջնորդները՝ ՌԴ նախագահ Վլադիմիր Պուտինը, Գերմանիայի կանցլեր Անգելա Մերկելը, Ֆրանսիայի նախագահ Էմանուել Մակրոնը և Ուկրաինայի նախագահ Պետրո Պորոշենկոն համատեղ հեռախոսազրույցի ընթացքում համաձայնեցրել են հետագա քննարկումներին առնչվող հարցեր:
Ինչպես հաղորդում է «Արմենպրես»-ը, այս մասին հայտնում է Կրեմլի մամուլի ծառայությունը:
«Պայմանավորվածություն է ձեռք բերվել բարձրագույն մակարդակում հետագա շփումների վերաբերյալ»,- ասված է Կրեմլի հաղորդագրության մեջ:
«Նորմանդական քառյակի» բանակցային ձևաչափը զբաղվում է ուկրաինական ճգնաժամի բանակցային ճանապարհով կարգավորման ուղիների որոնմամբ:
Կարծիքներ
Հարցազրույցներ
Փաստ մեկնաբանությամբ