ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: Սենատոր Ջոն Մաքքեյնի (հանրապետական, Արիզոնա նահանգ) մոտ բժիշկները գլխուղեղի ուռուցք են հայտնաբերել: Ինչպես հաղորդում է «Արմենպրես»-ը, այս մասին հայտնում է ТАСС-ը՝ մեջբերելով սենատորի կայքում հրապարակված հայտարարությունը:

Հուլիսի 14-ին Ֆենիքսի (Արիզոնա նահանգ) բժշկական կենտրոնի վիրաբույժները հաջողությամբ իրականացրել են վիրահատությունը՝ Մաքքեյնի ձախ աչքից հեռացնելով 5 սանտիմետրանոց արյան գունդը: Ներկայումս 80-ամյա սենատորն իրեն լավ է զգում, սակայն հաջորդ շաբաթվա ընթացքում գործերով չի զբաղվի: Բժշկի խոսքով՝ ուռուցքը հեռացվել է:

ԱՄՆ-ի նախագահ Դոնալդ Թրամփը սենատորին մաղթել է շուտափույթ ապաքինում: «Սենատոր Ջոն Մաքքեյնը միշտ եղել է մարտիկ: Մելանյան և ես մտովի սենատոր Մաքքեյնի և նրա ողջ ընտանիքի հետ ենք»,- ասել է նախագահը: