Վրաստանի էկոնոմիկայի նախարարը Սուրեն Կարայանին ներկայացրել է Լարսում կատարվելիք ճանապարհաշինարարական աշխատանքները
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: ՀՀ տնտեսական զարգացման և ներդրումների նախարարը ու Վրաստանի էկոնոմիկայի և կայուն զարգացման նախարարը հունիսի 29-ին քննարկել են Լարսի անցակետում կատարվող ճանապարհաշինարարական աշխատանքները: «Արմենպրես»-ի հաղորդմամբ` ՀՀ տնտեսական զարգացման և ներդրումների նախարար Սուրեն Կարայանը նշեց, որ իր վրացի գործընկերը ներկայացրել է այն ծրագրերը, որոնք իրենք մոտ ժամանակներս իրականացնելու են ճանապարհաշինարարության ուղղությամբ:
«Մասնավորապես, նա հայտնել է, որ այդ աշխատանքները սկսվել են Լարսի անցակետի տակ թունելի կառուցման ուղղությամբ, ինչը հնարավորություն կստեղծի, որպեսզի մեր բեռնափոխադրումները կախված չլինեն կլիմայական փոփոխություններից»,- ասաց նախարարը: