Ստեղծվում է Հայաստանի զբոսաշրջության զարգացման հիմնադրամ
ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: ՀՀ կառավարությունը զբոսաշրջության բնագավառում մարքեթինգային պետական քաղաքականությունն առավել արդյունավետ իրականացնելու նպատակով ստեղծում է Հայաստանի զբոսաշրջության զարգացման հիմնադրամ: Համապատասխան որոշման նախագիծը հունիսի 29-ին կառավարության նիստին զեկուցեց ՀՀ տնտեսական զարգացման և ներդրումների փոխնախարար Տիգրան Խաչատրյանը՝ ավելացնելով, որ հիմնադրամի ղեկավարի ժամանակավոր պաշտոնակատար կնշանակվի Արա Խզմալյանը:
Իսկ հիմնադրամի աշխատանքները հնարավոր դարձնելու համար կառավարության պահուստային ֆոնդից 30 միլիոն դրամ կհատկացվի: «Հիմնադրամի՝ զբոսաշրջության ոլորտի մարքեթինգային քաղաքականությունն ապահովելու է համաշխարհային շուկայում Հայաստանի՝ որպես գրավիչ և բարենպաստ զբոսաշրջային երկրի նկարագրի ամրապնդումը, զարգացումն ու խթանումը, ինչպես նաև ապահովելու է հայկական զբոսաշրջային արդյունքի և դրա շուկաների դիվերսիֆիկացումը, նոր մրցունակ զբոսաշրջային արդյունքների ձևավորումն ու խթանումը»,- «Արմենպրես»-ի հաղորդմամբ, ասաց փոխնախարարը:
- Երևանի ավագանու ընտրություններ․ ժամը 17։00-ի դրությամբ քվեարկությանը
մասնակցել է ընտրելու իրավունք ունեցողների 21,36 տոկոսը
- ԱՊՀ բոլոր երկրներից մասնագետներ են մասնակցում Դիլիջանում մեկնարկած
միջազգային Մեդիա դպրոցին
- Կիևյան կամրջով երթևեկությունը հունվարի 20-ի ժամը 22:00-ից մինչև հունվարի
21-ի ժամը 07:00-ը փակ կլինի
- Հայաստանը չեխ գործարարներին և ներդրողներին կապահովի բոլոր պայմաններով.
տեղի ունեցավ Հայ-չեխական բիզնես ֆորումը
- Տուրիզմի մասնագետն 8 ամսում Հայաստանում հաշվարկել է շուրջ 700 մլն դոլարի
կորուստ