Իվանկա Թրամփին կանչել են դատարան կոշիկի դիզայնը կրկնօրինակելու համար
ԵՐԵՎԱՆ, 24 ՀՈՒՆԻՍԻ, ԱՐՄԵՆՊՐԵՍ: ԱՄՆ նախագահ Դոնալդ Թրամփի դստերը` Իվանկա Թրամփին, դատարան են կանչել կոշիկի դիզայնը կրկնօրինակելու մեղադրանքով: Ինչպես հաղորդում է «Արմենպրես»-ը` վկայակոչելով Bloomberg-ը, Իվանկան դատարանի լսումներին պետք է ներկայանա մինչեւ հոկտեմբերի վերջ: Ցուցմունքներ նրան թույլատրվել է տալ ոչ թե Նյու Յորքում, այլ Վաշինգտոնում, որտեղ էլ վերջինս այժմ բնակվում է:
Իտալական Aquazzura ընկերությունն Իվանկա Թրամփի IT Collection ընկերությանը և կոշկակար Մարկ Ֆիշերին մեղադրել է Wild Thing կոշիկների դիզայնը պատճենելու մեջ: Aquazzura-ի մոդելն արժե 780 դոլար, իսկ Իվանկայի ընկերության կարած մոդելն արժե 150 դոլար:
Կարծիքներ
Հարցազրույցներ
Փաստ մեկնաբանությամբ