Ադրբեջանական SOCAR-ը թանկացնում է գազը Վրաստանում
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Վրաստանում գազը կարող է թանկանալ 5 թեթրիով: Ինչպես տեղեկացնում է «Արմենպրես»-ը, այս մասին հայտնում է ադրբեջանական ԱՊԱ գործակալությունը: Գազի թանկացման մասին որոշումը պայմանավորված է վրացական լարիի արժեքի փոփոխությամբ և ադրբեջանական SOCAR ընկերության կողմից Վրաստանում իրականացված ներդրումներով: Ընկերությունն այդ կապակցությամբ բոլոր համապատասխան փաստաթղթերը ներկայացրել է Վրաստանի կառավարությանը:
Վրացի մասնագետներն արդեն համոզված են, որ գազի գինը կթանկանա և նշում են, որ Վրաստանի համար այդ փոփոխությունը ծանր կլինի: Փորձագետները նշում են, որ անգամ ներկա արժեքով Վրաստանը դժվարանում է վճարել գազի համար՝ հատկապես ձմռանը:
Կարծիքներ
Հարցազրույցներ
Փաստ մեկնաբանությամբ