Google-ը խստացնում Է պայքարը YouTube-ում ծայրահեղական տեսանյութերի տարածման դեմ
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Միացյալ Նահանգների Google կորպորացիան, որը մտնում Է Alphabet հոլդինգի կազմի մեջ, խստացնում Է պայքարն իրեն պատկանող YouTube ինտերնետ-ծառայությունում ծայրահեղական բովանդակության տեսագրությունների տարածման դեմ: Այս մասին, ինչպես տեղեկացնում Է «Արմենպրես»-ը, ասված Է ընկերության՝ հունիսի 18-ին տարածված հայտարարության մեջ, ընկերություն, որի կենտրոնակայանը գտնվում Է Մաունթին Վյուում (Կալիֆոռնիայի նահանգ):
Ինչպես պարզաբանել են Google-ում, կորպորացիան շուտով կնորացնի եւ զգալիորեն կբարելավի այն տեսանյութերի ավտոմատ ճանանչման եւ հեռացման իր միջոցները, որոնք ահաբեկչության քարոզչություն եւ այլ ծայրահեղական կոնտենտ են բովանդակում: Նաեւ ընկերությունը մտադիր Է մեծացնել իր այն աշխատակիցների թիվը, որոնք ձեռքի ռեժիմով են զբաղվում նման տեսագրությունների որոնմամբ եւ հեռացմամբ:
Բացի դրանից, Google-ը կընդլայնի իր համագործակցությունն այն հասարակական կազմակերպությունների հետ, որոնք պայքարում են Համացանցում ծայրահեղական նյութերի տարածման դեմ: Դրանք ընկերությանը կօգնեն գտնելու YouTube-ում զետեղված այն կոնտենտը, որը կարող Է նախատեսված լինել պոտենցիալ ծայրահեղականների հավաքագրման համար, հաղորդել Է ՏԱՍՍ գործակալությունը: