Նյու Յորքի Կաթոլիկ բժշկական խորհրդի նախագահն այցելել է ՀՀ ԱՆ Արյունաբանական կենտրոն
ԵՐԵՎԱՆ, 29 ՄԱՅԻՍԻ, ԱՐՄԵՆՊՐԵՍ: Նյու Յորքի Կաթոլիկ բժշկական խորհրդի նախագահ Բրյուս Ուիլկինսոնը ՀՀ առողջապահության նախարարի տեղակալ Սերգեյ Խաչատրյանի ուղեկցությամբ այցելել է ՀՀ ԱՆ Պրոֆ.Ռ.Յոլյանի անվան արյունաբանական կենտրոն։ Ինչպես «Արմենպրես»-ին տեղեկացրին ՀՀ առողջապահության նախարարության հասարակայնության հետ կապերի բաժնից, նա շրջել է կենտրոնի հիմնական կառույցներում, ծանոթացել ոսկրածուծի/ցողունային բջիջների փոխպատվաստման, ինչպես նաև կլինիկական, բջջաբանական, կենսաքիմիական, մակարդելիության համակարգի բաժանմունքներում իրականացվող ծառայություններին։
Աշխարհի 35 երկրում, այդ թվում` Հայաստանում ներկայացված բարեգործական կազմակերպության նախագահը կենտրոնի մասնագետների հետ քնննարկել է հիվանդների բուժման հետ կապված հարցեր, անդրադարձել առկա խնդիրներին։ Մեր բժիշկները Բրյուս Ուիլկինսոնին ներկայացրել են այն դեղերի ցանկը, որոնք կարող են հիվանդների բուժումն ավելի արդյունավետ դարձնել։
Ամերիկացի պատվարժան հյուրը պատրաստակամություն է հայտնել հնարավորություններ գտնել նշված դեղերով կենտրոնին աջակցելու ուղղությամբ։