Արգենտինայի Ռոսարիո քաղաքի Հիշողության թանգարանում Հայոց ցեղասպանությանը նվիրված մաս է հատկացվել
ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ: Արգենտինայի Ռոսարիո քաղաքի Հիշողության թանգարանում ապրիլի 24-ին Հայոց ցեղասպանությանը նվիրված տարածք է բացվել:
Ինչպես հաղորդում է «Արմենպրես»-ը, Ցեղասպանությանը նվիրված տարածքում ցուցադրվելու են Ռոսարիոյի ազգային համալսարանի հայկական հետազոտությունների ամբիոնի կատարած աշխատանքը:
Հայոց ցեղասպանությանը նվիրված տարածքի բացման հանդիսավոր արարողությանը, որը ֆինանսավորել է Արգենտինայում Հայաստանի դեսպանատունը, մասնակցել են ուսանողներ, Ռոսարիոյի Հիշողության թանգարանի տնօրեն Վիվիանա Նարդոնին, Ռոսարիոյի ազգային համալսարանի ռեկտորի տեղեկալ Ֆաբիան Բիչիրեն և Արգենտինայի Հայ դատի հանձնախմբի տնօրեն Նիկոլաս Սաբունչյանը:
Կարծիքներ
Հարցազրույցներ
Փաստ մեկնաբանությամբ