Ահաբեկչություն պլանավորած գերմանացի զինվորն իրեն սիրիացի փախստական Է ձեւացրել
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Բավարիայում ահաբեկչական գործողություն նախապատրաստելու կասկածանքով ձերբակալվել Է բունդեսվերի մի զինվոր, որն իրեն սիրիացի փախստական Է ձեւացրել: Այդ մասին, ինչպես տեղեկացնում Է «Արմենպրես»-ը, ապրիլի 27-ին հայտնել Է Die Welt-ը:
Այս տարվա հունվարին 28-ամյա զինծառայողն ատրճանակը թաքցրել Էր Վիեննայի օդանավակայանի զուգարանում: Զենքը հայտնաբերել են տեղի իրավապահ մարմինների աշխատակիցները: Նրանք հսկողություն են սահմանել, սպասելով, թե երբ են գալու դրա հետեւից:
Զինվորը վերադարձել Է մեկ ամիս անց: Ավստրիայի ոստիկանները ձերբակալել են տղամարդուն եւ, պարզելով նրա ինքնությունը, տեղեկատվություն փոխանցել գերմանացի գործընկերներին: Իսկ զինվորականին բաց են թողել:
Գերմանիայում պարզել են, որ 2015 թվականին տղամարդը, որն իրեն սիրիացի միգրանտ Է հայտարարել, Բավարիայի միգրացիոն մարմիններին Է դիմել իրեն ապաստան տրամադրելու խնդրանքով: Նա թաքցրել Է, որ ինքը Գերմանիայի քաղաքացիություն ունի, եւ արդյունքում նրա խնդրանքը բավարարել են:
Հաղորդվում Է, որ նրան բնակարան են տրամադրել եւ նպաստ նշանակել: Ինչպես նշում Է Die Zeit-ը, զրույցի ընթացքում ուշադրություն չեն դարձրել այն բանի վրա, որ նա արաբերեն չգիտի եւ հարցերին պատասխանել Է ֆրանսերեն:
Այդ մարդն ավելի վաղ իրավապահ մարմինների տեսադաշտում Էր հայտնվել իր ազգայնական հայացքների պատճառով: Դատախազությունում չեն բացառում, որ նա կարող Էր գործել՝ ղեկավարվելով այլատյացության համոզմունքներով, նշում Է BBC-ն:
Վարկածներից մեկի համաձայն, նա պատրաստվում Էր հարձակում կատարել եւ ատրճանակը նետել հանցագործության վայրում: Զենքի վրայի մատնահետքերի վերլուծությունը հետաքննությանը կհամոզեր, որ գրոհը սիրիացի փախստականի ձեռքի գործն Է:
Ինչպես պատմել են դատախազությունում, տղամարդը ազգային անվտանգությանն սպառնացող «լուրջ հանցագործություն Էր պլանավորել»:
Կարծիքներ
Հարցազրույցներ
Փաստ մեկնաբանությամբ