Հայաստանի մուայթայի հավաքականը կմասնակցի աշխարհի առաջնությանը
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Հայաստանի մուայթայի հավաքականը կմասնակցի աշխարհի առաջնությանը:
Այս մասին «Արմենպրես»-ի մամուլի սրահում լրագրողների հետ հանդիպման ժամանակ ասաց ֆեդերացիայի նախագահ Արտակ Բրուտյանը: «Աշխարհի առաջնությանը Հայաստանը կներկայացնեն Գոռ Նազարյանը, Ալբերտ Ամիրջանյանը և արցախցի երկու մարզիկ, որոնց անունները դեռ վերջնական հայտնի չեն: Այս օրերին հավաքական թիմը Լիբանանում` Բեյրութում հավաք է անցկացնում գլխավոր մարզիչ Գոռ Գևորգյանի ղեկավարությամբ»,- ասաց Բրուտյանը:
Աշխարհի առաջնությունը կկայանա մայիսի 2-13-ը Բելառուսի մայրաքաղաք Մինսկում:
Կարծիքներ
Հարցազրույցներ
Փաստ մեկնաբանությամբ