Ռուսաստանը վետո դրեց Սիրիայում քիմիական գրոհի վերաբերյալ ՄԱԿ-ի ԱԽ-ի բանաձեւի վրա
ԵՐԵՎԱՆ, 13 ԱՊՐԻԼԻ, ԱՐՄԵՆՊՐԵՍ: Ապրիլի 12-ին Ռուսաստանն արգելափակել Է այն բանաձեւի ընդունումը, որը դատապարտում Է Սիրիայի Իդլիբի նահանգի Խան Շեյխուն քաղաքում քիմիական զենքի ենթադրյալ կիրառումը եւ Դամասկոսից պահանջում Է տեղեկատվություն տրամադրել միջադեպի օրը բոլոր օդային գործողությունների մասին: Արեւմտյան երկրների կողմից պատրաստված փաստաթուղթը հավաքեց ընդունման համար անհրաժեշտ 10 ձայն, ինչը Մոսկվային հարկադրեց վետո դնել դրա վրա: Բացի ՌԴ-ից, նախագծի ընդունման դեմ հանդես եկավ Բոլիվիան: Ղազախստանը, Չինաստանը եւ Եթովպիան քվեարկության ժամանակ ձեռնպահ մնացին, տեղեկացնում Է «Արմենպրես»-ը:
Ֆրանսիայի նախագահ Ֆրանսուա Օլանդը հանդես Է եկել ՄԱԿ-ի Անվտանգության խորհրդում Սիրիայի շուրջ բանաձեւի առնչությամբ Ռուսաստանի գործողությունների քննադատությամբ: Այս մասին ասված Է Ֆրանսիայի նախագահի հայտարարության մեջ, որը տարածել Է Ելիսեյան պալատը:
«Ռուսաստանն արդեն ութերորդ անգամ իրեն հակադրում Է ՄԱԿ-ի Անվտանգության խորհրդի մեծամասնությանը: Ռուսաստանը ծանր պատասխանատվություն Է ստանձնում՝ հետեւողականորեն խոչընդոտելով սիրիական դոսյեի շրջանակներում բազմակողմ միջոցառումներին՝ դրանով իսկ պաշտպանելով դաշնակից Բաշար Ասադին»,- ասել Է Ֆրանսիայի նախագահը:
Գերմանիայի եւ Մեծ Բրիտանիայի արտգործնախարարությունների ղեկավարներ Զիգմար Գաբրիելը եւ Բորիս Ջոնսոնը համապատասխանաբար ափսոսանք են հայտնել Ռուսաստանի կողմից բանաձեւի վրա վետո դնելու առիթով: Գաբրիելի խոսքով՝ «Ռուսաստանի վետոն մեծ ափսոսանք Է հարուցում»: «Անհրաժեշտ են անցկացնել հետաքննության եւ պարզորոշ ազդանշան տալ քիմիական զենքի օգտագործման դեմ»,- մեջբերում Է անում նախարարի խոսքից Գերմանիայի արտաքին քաղաքական գերատեսչությունը:
Բորիս Ջոնսոնը տարակուսանք Է հայտնել ՌԴ-ի որոշման կապակցությամբ: «Ճնշված եմ, որ Ռուսաստանը կրկին խանգարեց միջազգային հանրակցությանը, որը դատապարտում Է քիմիական զենքի օգտագործումը»,- գրել Է ՋոնսոնըTwitter սոցիալական ցանցում:
Չինաստանի մշտական ներկայացուցիչ Լյու Ցզեին այն կարծիքն Է հայտնել, որ ՄԱԿ-ի Անվտանգության խորհուրդը պետք Է փոխընդունելի բանաձեւ ընդունի Սիրիայի Խան Շեյխուն քաղաքում ենթադրյալ քիմիական գրոհի հետաքննության վերաբերյալ, հաղորդել Է ՏԱՍՍ-ը:
Կարծիքներ
Հարցազրույցներ
Փաստ մեկնաբանությամբ