ԵՐԵՎԱՆ, 27 ՄԱՐՏԻ, ԱՐՄԵՆՊՐԵՍ: Ավստրիայի իշխանությունները քաղաքացիությունից զրկել են ԻՊ գործունեությանը մասնակից լինելու համար դատապարտված Յունուս Ֆ-ին: «Արմենպրես»-ի հաղորդմամբ` Kurier թերթը գրում է, որ Ավստրիայում սա առաջին նման իրադարձությունն է:

Ավստրիայի ներքին գործերի նախարարությունը կարգադրել է հետաքննություն անցկացնել և կարգավորել Յունուս Ֆ-ի քաղաքացիության հարցը: 2017-ի մարտին որոշվեց զրկել նրան Ավստրիայի քաղաքացիությունից: «Եթե մարդը զրկվել է քաղաքացիությունից, նա ինքնաբերաբար օտարերկրացի է համարվում: Այդպիսով, նրանով պետք է զբաղվի օտարերկրացիների գործով ոստիկանությունը»,-ասվում է ԱԳՆ հայտարարության մեջ, հայտնում է ՌԻԱ Նովոստին:

Հավանաբար, Յունուս Ֆ-ն այժմ կարտաքսվի:

2014-ի օգոստոսին Վիեննայի բնակիչ Յուսուֆ Ֆ-ն հեռացել է Ավստրիայից մի քանի չեչենների հետ և ձերբակալվել սիրիական սահմանին՝ ԻՊ ահաբեկիչներին միանալու փորձ կատարելիս: Յունուս Ֆ-ն ահաբեկիչներին Սիրիա տեղափոխող ավտոմեքենայի ղեկին էր: 2015-ին նա 3 տարվա ազատազրկման է դատապարտվել ահաբեկչական կազմակերպությանն անդամակցելու համար: Դատավճիռն ուժի մեջ է մտել 2015-ի դեկտեմբերին: Սակայն դատապարտյալին քաղաքացիությունից զրկելու համար հարկավոր էր ապացուցել, որ նա չի հրաժարվել այլ երկրի քաղաքացիությունից՝ այս դեպքում Թուրքիայի: