Սաուդյան Արաբիայի ԱԳ նախարարը 2003-ից իր վեր առաջին անգամ այցելել է Իրաք
ԵՐԵՎԱՆ, 25 ՓԵՏՐՎԱՐԻ, ԱՐՄԵՆՊՐԵՍ: Սաուդյան Արաբիայի արտաքին գործերի նախարար Ադել ալ-Ջուբեյրը ժամանել է Իրաքի մայրաքաղաք Բաղդադ: Ինչպես փոխանցում է «Արմենպրես»-ը, այդ մասին հաղորդում է «Ֆրանս պրես» գործակալությունը:
Իրաքի ԱԳՆ-ից տեղեկացրել են, որ Ալ-Ջուբեյրը շաբաթ օրը հանդիպել է Իրաքի իր գործընկեր Իբրահիմ ալ-Ջաֆարին:
Անանուն աղբյուրը նշել է, որ սա Սաուդյան Արաբիայի ԱԳ նախարարի առաջին այցն է Իրաք սկսած 2003 թվականից:
«Այս այցն ուղղված է հարաբերությունների վերականգնմանը և այն ավելի կայուն դարձնելուն, ինչպես նախկինում: Սա նման բնույթի առաջին այցն է»,- հայտարարել է գործակալության զրուցակիցը:
Կարծիքներ
Հարցազրույցներ
Փաստ մեկնաբանությամբ